انواع الحب

حــــــــــــــبٍ يشيّب صاحبه ما بَعَدْ شاب وحبٍ يشيب وصاحبه في شبابه
وحـــــــــــبٍ يغيب وصاحبه ما بَعَدْ غاب وحبٍ يدوم وصاحبه في غيابه
وحـــــــــــب يذوّب خافقٍ ما بعــــــــــد ذاب وحبٍ يداوي صاحبه من عذابه
وحبٍ يتوّب خافقٍ ما بَعَدْ تـــــــــــــــــــاب وحبٍ يزيدك رغبةٍ في الكتابه
وحـــــــــــــــــبٍ حياته كلّها لوم وِعْتاب وحبٍ حقيقي ما يضرّك عتابه
وحــــــــــــــــــــــبٍ بلا معنى وحبٍ بلا اسباب يبدا غريب وينتهي في غرابه
وحــــــــــبٍ ضعيفٍ مثل حبرٍ على كْتاب تمحيه دمعه في ثواني كآبه
وحبٍ قويٍ مثل قصرٍ له ابواب لو هبّ عاتيْ الريح ما اهتز بابه
وحبٍ بداية رحلته نظرة اعجاب واخر مطافه مثل يومٍ بدا به
وحبٍ يعيش بداخل قْلوب الاحباب وحبٍ يشيع وكل حَيٍ درى به
وحبٍ مقامه في ضلوع الصَدِر طاب وحبٍ يعدّي مثل مرّ السحابه
وحبٍ على قبره نعق بوم وغْراب وحبٍ تغنّى به لحون الربابه
وحبٍ بمقدارٍ وحبٍ بلا حْساب وحبٍ بمعروفٍ وحبٍ نهابه
وحبٍ يعيش أهله وسط داره اغراب ويموت قهر ويندفن في ترابه
وحبٍ غدا سرّه سوالف للاجناب وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب وحبٍ يشيب صاحبه في شبابه